【香港 | 灣仔美食💛】十年經營人氣魚介豬骨湯底 台風招牌魚介沾麵!慢煮叉燒份量超足夠哂親民?

日式拉麵店開得成行成市,想冷手食過拉麵絕對唔難!不過要搵一間屹立超過十年,開完分店都仲keep到水準嘅,就唔是咁易吧?講緊嘅就係呢間拉麵台風啦!仲記得佢哋係荃灣大河道起家,今時今日喺對面海嘅灣仔 就有佢哋嘅另一條線「台風。R」,究竟有咩分別?

如果喜歡我們的文章,別忘記讚好和追蹤我們的粉絲專頁喔!

同樣主打魚介豚骨拉麵,唔同嘅叉燒用咗低溫慢煮!據店家介紹,原來慢煮可以更好咁保存叉燒中嘅蛋白質同鎖實肉汁!除咗經典嘅魚介豚骨拉麵同埋沾麵之外,仲有蟹蝦豚骨墨汁黑松露同埋蝦味噌湯底。鐘情沾麵嘅小編今次就揀咗沾麵嚟試試!


▌魚介豚骨沾麵


食開台風嘅就知道,佢哋麵底係平時拉麵店嘅1.5倍,所以細食啲朋友可以揀返少麵,就唔怕食唔哂啦!魚介湯頭依舊好突出,濃厚得嚟又唔會太咸。配埋長長曲曲嘅粗麵條,食落爽口又超掛湯!


慢煮嘅叉燒仲係紅紅地色,薄身而且無肉渣,唔油膩得嚟又好香肉味!

配料方面有半熟蛋半隻,筍、紫菜同埋白葱絲,食完都唔會口乾,真係幾好食!想食碗好食嘅拉麵,呢度一定係個有水準嘅選擇!

如果喜歡我們的文章,別忘記讚好和追蹤我們的粉絲專頁喔!


台風。R

📍地址:灣仔駱克道389號地下
⏰營業時間:中午12時至下午3時30分,下午5時30分至晚上10時
INSTAGRAM: ramentaifu.wanchai



Previous
Next Post »