【香港 | 荃灣美食💛】港式懷舊點心唔係老奉！元朗荃灣大埔都有 老馮茶居一味靠「古」？

香港人鐘意食點心嘅程度，真係唔可以睇少 曾經有調查指，香港人每年消耗超過4億粒嘅燒賣 食近8億籠點心，真係可以堪稱為國民美食！ 不過時移世易，家下想嘆返籠一盅兩件，唔一定去酒樓嘅，大把點心專門店可以揀！ 

就好似呢間喺元朗起家，開到大埔同埋荃灣都有分店嘅「老馮茶居」，據講佢嘅點心師傅曾經喺北角鳳城酒家同廣州茶樓工作，有成40幾年嘅經驗，所以喺度可以食到唔少傳統點心！

【詳細餐廳地址及地圖導航在本文底部】

荃灣店嘅樓面裝修都幾俾心機，以香港公共屋邨為主題，齊集以前嘅士多辦館、涼茶舖、棚架、鐵皮等舊香港元素，入到去真係有時光倒流嘅感覺！ 一到假日，例牌都會大排長龍，就知佢咩料啦！ 

▌鵪鶉蛋燒賣皇 

燒賣唔係用豬肉咁簡單，入面有蝦仁，好足料！上面大大隻鵪鶉蛋，燒賣皮好薄，食起嚟爽口彈牙，超讚！ 

▌古法千層糕 

千層糕喺依家嘅酒樓已經買少見少，主要因為傳統製作嘅工序都幾花功夫！千層糕嘅頂層用咗叉燒包皮，中間嘅餡料有椰絲同埋咸蛋黃，層層交疊咁樣就造成經典嘅千層糕！入口都幾鬆化，仲有沙沙嘅口感，真係眼界大開呢！ 

▌招牌牛腩腸粉 

好少見嘅一個配搭，啲腸粉食落超滑，牛腩炆得好入味，好似成碗牛腩河咁！

▌咖喱蒸魷魚 

咖喱味超濃，魷魚真係有片有鬚，魷魚片大大塊又滑捋捋，trap埋啲咖喱汁送飯一流！

▌蜆介鯪魚球 

鯪魚肉打得幾爽口，中間溝咗少少芫茜，味道清香，加埋香濃嘅蜆介醬，入口幾惹味！ 

▌薑汁桂圓紅棗糕 

老馮茶居

📍地址：
【荃灣店】荃灣眾安街68號荃灣千色匯ll期地下G30-G33號舖
【元朗店】元朗大棠路66號地舖
【大埔店】大埔安慈路1號海寶花園14號地鋪
⏰營業時間：早上8時至晚上10時 
INSTAGRAM: oldfung_tea_house