繼 #一把火 之後，Lolly Talk 喺成軍一周年嘅大日子，為大家帶嚟咗新歌 《四方帽之約》！ 今次嘅新歌都係保持一路以嚟嘅傳統，以數目字開頭！由Sinnie老師操刀作曲、小克填詞、高佬編曲同監制。同《三分甜》一樣都係有校園風嘅歌曲，不過唔同嘅就係今次主題係講畢業！
呢個年代聽「畢業」，不期然都會諗咗第個意思……講真小編聽到話呢首係畢業歌都嚇咗一驚，唔會真係「解散」吧？ 實情當然唔係啦！（即刻放心哂！
今次呢首歌喺佢哋成軍一周年推出，當然係有重大意義啦！ 過去一年，LT努力走來，經歷過高低起伏，直至今日總算做出一番成績，你哋真係好叻㗎！而今次呢個「畢業」，亦都象徵LT踏入新嘅階段，繼續有更多唔同嘅面向！
 |  |
講返今次個MV，係之前遠赴台灣拍攝，取景地包括大稻埕碼頭貨櫃市集、國立臺灣博物館同埋榕錦時光生活園區等（係呀for大家參加 taiwan_ttbhk 嘅giveaway用）。唔單止景靚，LT仲穿上台灣特色嘅校服拍攝，真係好青春好靚！
 |  |
校服上面除咗有妹豬嘅中文全名，個學號仲好有心思－原來頭尾兩個數字係佢哋生日年份，中間就係日期，真係別出心裁！
 |  |
MV入面妹豬們佢哋係分組拍攝，講述係佢哋畢業後雖然有唔同發展，好似灘姐同蛋B喺cafe、meimei同elka賣衫咁……但係心仍在一起，一路都互相支持，就好似妹豬們一路走來咁！
 |  |
MV仲好驚喜地請嚟193客串（都係彩蛋之一） ，同阿妹有感情線，個感覺仲好有那些年嘅感覺呢！ 仲同阿妹抱抱，真係好想大叫「放開那女孩」（講笑。
歌曲中以「你哋準備好未呀」作開首，同時以「我哋準備好啦」作首尾呼應，當中語帶相關，都象徵LT準備好進入另一個階段。後段仲係首次以合唱團嘅形式處理，妹豬們分組咁唱出歌詞，個feel真係好和諧好好聽！
歌詞中仲好有時代感，包括放榜、「疫情下相見」 、「四年也苦等這一天」、「重疊於口罩的臉」 中間仲有「kong U CU 理大城大」 真係好touching，肯定係呢一個年代必唱嘅畢業歌！
「笑 戴四方帽畢業時 手拖手在笑 成全這一張 合照～」 喺新歌推出當日嘅LT LIVE，蛋B仲公開咗mv中有唔少嘅彩蛋－唔知咁多位波板糖又搵到當中幾多個呢？
四方帽之約 歌詞
曲 : Sinnie Ng ｜詞 : 小克 ｜編 : Goro Wong｜監 : Goro Wong
誰話求學全為了考試
我和你覺得 總不止
如 孖寶上落堂
在談為何勁憎中史
未來未來就約好了
跟你跟我理想衝刺
要 戴四方帽畢業時
手拖手合照
誰料他 於天空降落 似要拆散我跟你
為何突然兩顆心 在顧忌
同學們全部 也在笑 暗戀他這秘密
誰泄漏了 每位都將我跟你
相比較 謠言滿天飛 沒禮貌
我心裡 亂跳 再多中英數問題
不記得思考 在打唥鐘這一秒
誰情願為了戀愛事 嗌大交
提及他 不講真說話 你我都藏頭露尾
為何突然兩顆心 互妒忌
而同學每天 也在笑
暗戀他這秘密 誰泄漏了
每位都將我跟你 相比較
謠言滿天飛 沒禮貌
我心裡 亂跳 再多中英數問題
不記得思考 在打唥鐘這一秒
情和義在兩邊開考
告別了 (一秒間 可摧毀所有)
我覺得整個校園 塌下了 (一個他 是否早有預謀)
放榜當天很想你 可倚靠 (終於放榜 這以後)
明年你我他 亦轉校 (我們便會分手)
那天 約定了 (天各一方 Kong U CU)
會否冰釋似舊時 跟你講餐飽 (理大 城大)
劇終於四方帽裡 連同餘下半點幼稚 向上拋
我跟你疫情下再相見 四年也苦等這一天
你 重疊於口罩的臉
願能踏前望清一點
奈何突然淚已攻佔 一個擁抱來罷戰
笑 戴四方帽畢業時 手拖手在笑
成全這一張 合照
0 個留言