今個「五．一」長假期期間，屯門黃金海岸化身成為繡球花田，仲大搞市集活動，有唔同嘅本地特式手作、花藝產品、小食同埋飲品。
喜歡我們的文章？
別忘了讚好和追蹤我們的社交平台！
【揀飲．簡食記】全新會員系統 BEST CLUB，立即加入獲取更多獨家優惠！
一連五日仲有藝術馬拉松，有包括雷同二友、The Flame等單位獻唱！ 琴日（1／5）嘅開幕禮，就請嚟咗人氣女團Lolly Talk嚟打響頭炮。
傍晚時份有1288隻無人機飛越黃金海岸嘅上空，由兩隻熊貓家姐同埋細佬帶大家走遍屯門同埋香港嘅特色美食景點，吸引咗唔少附近嘅居民同埋旅客觀賞。
無人機表演過後更加係活動嘅高潮－
Lolly Talk分別獻唱咗《九千九百九十九個我》、《數到十》同埋《七姊妹星團》三首歌，在場嘅波板糖（Lolly Talk粉絲）熱烈應援，當唱到《數到十》時，Lolly Talk全員仲落台同粉絲互動，有唔少幸運兒仲拎到成員準備嘅cheki添！（熊仔小編就無咁好彩，食牛肉乾就有份）
題外話就係附近嘅交通唔太方便，活動期間青山公路一帶交通都相當擠塞，如果揸車嚟嘅話有大機會錶位同埋車場都爆滿，所以盡量搭巴士嚟會比較好～
黃金海岸繡球花節
活動日期：5月1-5日地址：黃金海岸商場
交通：52x，53，61M，952，A33，K51於「黃金海岸」站落車即達
《小編自肥區》 今次真係好滾動，活動喺黃金海岸平台上面舉行，本身地方已經唔算大，開頭真係諗住連見LT都見唔到，點估到最後妹豬們會落台仲要邀請大家一齊大合唱，作為波板糖真係甜到入心！再一次多謝主辦單位同埋Lolly Talk！
0 個留言