最近有無覺得生活好壓抑，好想跳出安舒圈？JFFT 的 良少 與 Teddy Fan 日前終於推出了新歌《放大假》！MV 於昨日首播，除咗旋律輕快洗腦，最令網民驚喜嘅莫過於邀請咗 Lolly Talk 阿蛋 (黃詠霖) 擔任女主角。
呢個 MV 唔單止有電影感，背後嘅拍攝經歷更加係大製作！
浪漫叢林與戒指情緣 💍
MV 嘅開首非常甜蜜，良少同阿蛋喺叢林中玩滑板、嬉戲，充滿初戀嘅氛圍。最令一眾「BB蛋」（阿蛋嘅Fans)尖叫嘅一定係入面竟然有交換戒指嘅情節呀！人嚟！刀呀（誤）
▲ 良少同阿蛋呢幕叢林戲份，電影感十足！
畫風突變！泰迪人化身喪屍突襲 🧟♂️
你以為係純愛MV? Sorry囉！中段畫風一轉！Teddy Fan 驚喜化身喪屍，打破咗良少同阿蛋嘅浪漫時光。兩人隨即展開一場海邊大逃亡。
三位主角喺 MV 入面真係由頭跑到落尾，體力消耗極大。當中阿蛋分享仲有唔少「跑得好 kick」嘅搞笑鏡頭，記得留意之後阿蛋YouTube Channel嘅BTS啦！
阿蛋分享拍攝「靈異」經歷 👻
仲喺北海道上緊堂學日文嘅阿蛋喺 JFFT 直播Call In，分享咗拍攝秘聞。個MV充滿異國風情，但其實全部都係喺香港取景（分別到欣澳、流浮山等地拍攝）。
▲ 阿蛋透露在天橋底拍攝時感到能量壓抑，幸好最後順利完成。
其中有一幕喺天橋底同叢林拍攝，阿蛋直言當時見到一大堆神像，Feel 到嗰度「能量好低」，心情莫名壓抑。好彩最後平安無事完成拍攝咋！
0 個留言